” حكايتي معاها ومع مولات بيتي” تدوينة راقية للكاتب محسن بن نفيسة

أنوار جامعية نيوز / محسن بن نفيسة

أنا وهي ومولات بيتي

اثنين و اربعين سنة زواج قدام الناس و عامين خطبة وعامين صحاب بالسرقة …عشرة عمر انا و مولات بيتي ملي كنا صغار…حتى لين جبنا الصغار….

زوز اولاد و بنية و7 احفاد … ربي يفضلهم……..

عرسنا في البلدية متع شارع قرطاج…وبعد عشاء في مطعم عاشور في الحمامات…و3ايام في وتيل في المنستير…
حتى تفرغ الدار من الضياف الكبير والغشير ولي يدبي عالحصير…لكلهم جاو يفرحولي..وفي الحقيقة جاو يعومولي ويتفرهدولي…وقتها الحمامات كانت فال..

كي فرغت الدار روحت انا و مريتي للدار…راس راس و كل شيء جديد …المايوات والبارسول والمناشف…قعدنا على البحر…
هانا دخلنا عمنا هانا قعدنا على الرمل…مرة اثنين ثلاثة…قلقنا روحنا للدار وبعد قلقنا روحنا للحلفاوين…لقيناهم يلموا في دبشهم جايين يطلو علينا…طلعنا ..
ومن وقتها وانا في الحمامات..لصقت في ولصقت فيها..انا وهيّ ومولات بيتي….يحيي الزواج…تحيي مولات بيتي…ام اولادي.. واولادي و احفادي…و تحيي الحمامات

سامحوني فمة حاجة نسيتها…سألت مولات بيتي. قلتلها ايا اش بش نطيبو اليوم احتفالا بها المناسبة السعيدة…خاصة ومطعم عاشور مسكر مالكورونا…
وخر ت و قدمت وقالتلي محمص بالدبابش..
.اهوك من هنا افهموا الي حياتي تعدات حوت وكروفات….
(اياو باسم الله وماكمش مشتاقين)

 L-univers

L-univers

Journal électronique traitant des affaires étudiantes, de la vie universitaire, des services universitaires et des activités communautaires

Shopping Basket