أنوار جامعية نيوز/ حافظ الشتيوي
كتبت الشاعرة فوزية كشيش آخر قصائدها بعنوان غضب
” غضب “
انا كي نغضب
الدنيا تتهز تتحرق
كي نغضب على الحق
انا شعب عندي الحق
نعبر ونقوول بالجد
رد بالك يااا مسؤول
كي نقووم مالي حد
انا كي نغضب
الدنيا تتهز وتتحرق
كي تجوع أولادي
و كي نتفقر ونتحقر
نخرجلك و نزحفلك
من كل بر و بر
من الصحراء والمدن والبحر
رد بالك يا مسؤوول
انا شعب مسؤووول
على بلادي و ترابها
على امنها و حدودها
على رايتها و خدودها
على نجمتها و هلالها
رد بالك يا مسؤوول
انا شعب عندي ما نقول
عندي دستور مضمون
عندي بلادي ورث اجدادي
رد بالك يا مسؤوول
كي نغضب
الدنيا تتهز وتتحرق
انا شعب عندي الحق
بضربة قلم نجيبك عل بر
انا شعب يريد
توونس هي الوريد
انا شعب يورييييد
الكاتبة و الشاعرة فوزية كشيش
للتاريخ وبتاريخ 13/06/2020
