أنوار جامعية نيوز / أحمد حيدر
تو عام والا اكثر واحنا في المرسى نستناو في البلدية باش تتحرك وتتدخل وتنقذ الاهالي من هالكوارث اللي ولات موجودة في الانهج والشوراع .
كل واحد يحل شانطي ويخلى الوسخ والحجر والفضلات والتراب والردم و من بعد يمشي على روحو ويطفي الضو ولا ينظف ولا يصلح ولا يرجع التروتوار كيف ما كان
عندو حق السيد يعمل هكة واكثر من هكة مادام ماثماش بلدية حازمة توقف هالنزيف ، وما ثماش شكون بخاف على هالبلاد .
بربي شوفو الحالة …. كرهنا رواحنا… مشات ديارنا كيف كيف وصغارنا مرضو بالروايح
شوفو هاك الحالة بربي لوجو معايا التروتوار وينو ؟؟
حتى والدينا ما عادش ينجمو يخرجو نخافو عليهم من الكياس مادام ماثماش تروتوار
ياخي وينو رئيس البلدية ؟ بربي يا سي معز بوراوي جاوبنا
ويني الشرطة البيئية اللي من المفروض تكون هذي خدمتها وتوقف وقفة حازمة ؟
