أنوار جامعية نيوز بقلم الإعلامية أماني بولعراس تونس
أماني بولعراس
هل نحتاج إلى عيد الحب ؟ بقلم أماني بولعراس
اييييييه نعم
نحتاج لعيد للحب……
باش نتفكروا بعضنا، باش نفرحوا بعضنا ،باش نضحكوا مع بعضنا…
نحتاج لعيد للحب، لأننا في عصر ولى الحب هو الاستثناء وليس القاعدة …. نضحكوا على الشخص الرومنسي
و “نتنمروا” عليه، نخافوا مللي يقول “نحبك” …ما نعطيوهش الجنب ….وننظروا لكل السلبيات اللي تدور حول الحب …. رد بالك ،فك عليك ،شكون قالك يحبك … الخ الخ ……
الناس اللي يقولوا انا نعيش الحب كل يوم مع حبيبتي والا مرتي…..
موش صحيح تعيشوا في الحب كل يوم ،حتى لو كانكم عايشين مع بعضكم تحت سقف واحد ….. موش كل يوم تقلها نحبك وموش كل يوم تقلو حبي …. حتى ممارسة الحب اصبح ميكانيكيا دون مشاعر وكأنه واجب عسكري …… تحبوا بعضكم لأنكم تعودتوا على فكرة الحب وليس الحب …….
الحب عيشة وتعبيرات جميلة ……
لو كان نجيو نثبتوا تو نلقاو التنهيدة تمتد من ميل إلى سبعة أميال……
نحتاج إلى عيد للحب …..
لان الناس تعيش الوحدة حتى وهوما مع بعضهم ……
نحتاج لعيد للحب باش نتذكروا ان لنا قلوبا تنبض بالحياة وعلينا مشاركتها مع الآخر……..
نحتاج لعيد للحب لنتبادل الهدايا والشوكولااااا …..
الهدية من تعبيرات الحب مهما كانت بسيطة ومهما غلا ثمنها ..
واحنا ناس تربينا نودوا بعضنا و نهديو لبعضنا .. تربينا على كلام وأمثلة تقول ” النبي قبل الهدية ….” و ” انا غنية ونحب الهدية …”
نحن شعوب الكلمة والشعر والحب ……..
لكن لم نعد نحب ولا نشعر ولا حتى نقولوا كلمة حلوة ……
نحتاج لعيد للحب لأننا نحتاج للحب كي لا نموت …..كي لا تموت قلوبنا ….. كي لا تموت الفكرة فينا ….
لأننا كائنات حية وتعشق الحياة ……
هذاكا علاش ” نحتاج لعيد للحب “
وأشياء أخرى…..
14 فيفري 2026
